ಕೊಂಕಣ್ ಭವನಾಂತ್ ಸ್ವಾತಂತ್ರ್ಯ ದೀಸ್ ಆಚರಣ್
ಕೊಂಕಣಿ ಕ್ರಿಶ್ಚಿಯನ್ ಅಸೋಸಿಯೇಷನ್ (ರಿ) ಮೈಸೂರು ಹಾಣಿಂ 15 ಅಗೋಸ್ತ್ 2026-ವೆರ್ ಕೊಂಕಣ್ ಭವನಾಂತ್ ಸ್ವಾತಂತ್ರ್ಯ ದೀಸ್ ಭಾರಿ ಗದ್ದಳಾಯೆನ್ ಆನಿ ದೇಶಭಕ್ತಿನ್ ಆಚರಣ್ ಕೆಲೊ.
ಕಾರ್ಯಕ್ರಮಾಚೊ ಮಾಸ್ಟರ್ ಆಫ್ ಸೆರಮನಿ (MC) ಜಾವ್ನ್ ಶ್ರೀ ವಿನ್ಸೆಂಟ್ ಹಾಣಿಂ ಪ್ರಾಸ್ತಾವಿಕ್ ಉತ್ರಾಂ ಉಲವ್ನ್ ಸರ್ವಾಂಕ್ ಮೋಗಾನ್ ಸ್ವಾಗತ್ ಕೆಲೊ. ಸಕಾಳಿಂ ಜುಸ್ತ್ 8:55 ವ್ಹರಾರ್ 'ವಂದೇ ಮಾತರಂ' ರಾಷ್ಟ್ರೀಯ್ ಗೀತ್ ಗಾವ್ನ್ ತಾಣಿಂ ಕಾರ್ಯಕ್ರಮ್ ಸುರು ಕೆಲೆಂ.
ಉಪ್ರಾಂತ್ ಶ್ರೀ ಕೀರ್ತಿ ಹಾಣಿಂ ಕೆ.ಸಿ.ಎ. ಅಧ್ಯಕ್ಷ್ ಶ್ರೀ ಜಾನ್ ವಿಲಿಯಂ ಡಿಸೋಜ ಹಾಂಕಾಂ ಧ್ವಜಾರೋಹಣ್ ಕರುಂಕ್ ಗೌರವಾನ್ ಆಪಯ್ಲೆಂ. ಸಕಾಳಿಂ ಸಾರ್ಕ್ಯಾ 9:00 ವ್ಹರಾರ್, ಅಧ್ಯಕ್ಷಾಂನಿ ಶ್ರೀ ಚಾರ್ಲ್ಸ್ ಹಾಂಚ್ಯಾ ಸಾಂಗಾತಾ ತ್ರಿವರ್ಣ್ ಧ್ವಜ್ ಉಬಾರ್ಲೊ. ತ್ಯಾ ಉಪ್ರಾಂತ್ ಹಾಜರ್ ಆಸ್‌ಲ್ಲ್ಯಾ ಸರ್ವಾಂನಿ ಮೆಳೊನ್ 'ಜನ ಗಣ ಮನ' ರಾಷ್ಟ್ರಗೀತ್ ಗಾಯ್ಲೆಂ.
ಧ್ವಜಾರೋಹಣಾ ಉಪ್ರಾಂತ್, ಕೆ.ಸಿ.ಎ. ಅಧ್ಯಕ್ಷ್ ಶ್ರೀ ಜಾನ್ ವಿಲಿಯಂ ಡಿಸೋಜ ಹಾಣಿಂ ಸ್ವಾತಂತ್ರ್ಯ ದಿಸಾಚೊ ಸಂದೇಶ್ ದಿಲೊ, ಆನಿ ಆಮ್ಚ್ಯಾ ಸಮುದಾಯಾಚ್ಯಾ ಜವಾಬ್ದಾರೆ ವಿಶಿಂ ವ್ಯಾಖ್ಯಾನ್ ದಿಲೆಂ.
ಕಾರ್ಯಕ್ರಮಾಚ್ಯಾ ಆಖೇರಿಕ್, ಪ್ರಧಾನ್ ಕಾರ್ಯದರ್ಶಿ ಶ್ರೀಮತಿ ಜೋಯ್ಸ್ ಸಿಕ್ವೇರಾ ಹಾಣಿಂ ಆಭಾರ್ ಮಾಂಡಿಲೊ (Vote of Thanks). ಸರ್ವ್ ಸಯ್ರ್ಯಾಂಕ್ ಆನಿ ಸಾಂದ್ಯಾಂಕ್ ಸಕಾಳಿಂಚೊ ಫಳಾಹಾರ್ (ಬ್ರೇಕ್ ಫಾಸ್ಟ್) ಆಸಾ ಕೆಲ್ಲೊ, ಆನಿ ಹ್ಯಾ ಸವೆಂ ಕಾರ್ಯಕ್ರಮ್ ಯಶಸ್ವಿ ಜಾವ್ನ್ ಸಂಪಯ್ಲೆಂ.
